Iro nilayas aron mobisita sa agawon nga na-ospital

CEBU, Philippines - Usa ka babaye nga nakigbugno sa sakit nga kanser sud sa usa ka tambalanan ang gibati og tumang kalipay sa dihang giduaw kini sa pinangga niyang iro.

Si Sissy, usa ka gamitoy nga Schnauzer, milakaw og kapin sa 20 ka eskina sa wala pa makataak sa lobby sa Mercy Medical Center didto sa Cedar Rapids, Iowa diin ang iyang agalon nga si Nancy Franck na-confine sud sa duha na ka semana human ma-operahi.

Matud pa sa bana ni Nancy nga si Dale nga ilang gipangita si Sissy sa dihang kalit lang kini nawala sa ilang balay. Bisan asa na siyang dapit og pinangita apan wala g’yud nila hikit-i.

Hinoon wala magdugay si Dale nakadawat og tawag gikan sa ospital nga dali nga mikontak kanila sa dihang nakita ang numero sa telepono ug address sa ilang balay sa higot sa liog ni Sissy.

Ang nakalibog og maayo ni Dale , kun nganong nakatultol ni Sissy sa maong tambalanan diin atoa ang iyang asawa nga wala pa man unta sila sukad maagi sa dalan nga gisubay niini.

Wala hinuon matino kun ang maong hitabo sulagma lamang o duna lang ba g’yud espesyal nga koneksyon ang mga tawo ug ang mga iro. (gikan sa news.sky.com/EIM)