Drayber, konduktor mag-badge na

CEBU, Philippines – Giawhag sa Land Transportation Franchising and Regulatory Board-7 transport leaders sa Sugbo nga motambong sa public hearing sa gisugyot nga "Shepherd Badge     Program" karong Biyernes.

"I urged the transport operators especially their leaders to attend this public hearing. So, that they will be the one to echo this program to their members," panawagan pa ni LTFRB-7 regional director Reynaldo Elnar.

Ubos sa maong programa, makabaton og epektibong database management ug  ID/Badge system ang LTFRB.

Pinaagi niini, ma-monitor ug ma-rekord ang mga training programs, competency assessments ug mga sertipikasyon sa mga PUV drivers lakip na ilang mga konduktor.

Ang board moisyu usab og badges sa PUV drivers ug mga konduktor nga dili basta makopya, eco-friendly ug durable. Kadtong mga drayber ug konduktor lamang nga dunay LTFRB badges ang awtorisadong makapamasahero.

Ubos sa maong sugyot, pamultahon og P5 mil ang mga operators kun walay LTFRB-issued Shepherd badges ang ilang mga drayber ug konduktor,  P10 mil sa ikaduha, P15 mil sa ikatulo ug kun mausab pa ang maong kalapasan suspensuhon na ang prangkisa sa maong sakyanan sud sa unom ka buwan. (Gikan sa The Freeman/EIM) (BANAT NEWS)