Tungod sa tagna-tagna lalaki gipusil patay

CEBU, Philippines – Patay na nga naabot sa tambalanan ang usa ka 21-anyos nga lalaki human kini gipusil sa likod sa iyang silingan diha sa Barangay Baring, lungsod sa Carmen niadtong nakalabay nga gabii. Ang biktima naila nga si Juan Moral, taga Sitio Banker, Baring Carmen samtang ang suspetsado giila ‘sab nga si Randy Caputol, 18, nga taga Sitio Pasil, Barangay Cogon East sa maong lungsod.

Matud pa ni Senior Police Officer 2 Simplicio Gibo ang desk officer sa Carmen Police nga nahinabi sa Banat News miingon nga nagpustaanay ang duha og “line-of” nga diin nagtagna-tagna sila sa serial number sa kwarta.

Apan wala nagkasinabot ang duha hinungdan nga sukmagay, dihay mga tawo nga mibadlong kanila ug gipapauli ang suspek apan mibalik kini ug nagdala na og .38 revolver dayong pusil sa likod sa biktima.

Dali pa unta nga gidala sa Danao District Hospital ang biktima apan kini nakabsan gayod sa iyang kinabuhi. Human sa pagpamusil dali sab nga misibat si Caputol nga padayon pa nga gipangita sa kapulisan. – /EIM) (BANAT NEWS)