CV ika-3 sa may dagha’ng HIV

CEBU, Philippines – Sa 6,011 ka kaso sa human immunodeficiency virus (HIV) nga natala sa niaging tuig lukop nasud, ikatulo ang Central Visayas nga may 618 ka apektado’ng indibidwal.

Kini ang gibutyag ni Dr. Jonathan Erasmo, program manager sa National AIDS and STD Prevention and Control Program sa DOH – 7, diha’ng iyang gipresentar ang statistics nga gipagawas sa National Epidemiology Center sa DOH.

Nag-una sa Central Visayas ang National Capital Region nga adunay pinakataas nga kaso sa HIV ug AIDS diin 41 porsiyento kon 2, 473 ang apektado samtang ang Region IV-A ang ikaduha diin adunay 14 porsiyento kon 867 ka kaso sa HIV.

Matud ni Erasmo nga ang posible’ng pagdaghan sa kaso sa HIV sa rehiyon tungod sa mga tawo’ng nagbuhat og ‘risky behavior’.

Gipasabot niya nga ang 'risky behavior' naglangkub sa ‘sexual contact’ pinaagi sa ‘multiple sexual partner’, injecting drug use, unprotected sex, ug uban pa. – /GMR) (BANAT NEWS)