2 Abus patay sa engkwentro

CEBU, Philippines – Duha ka mga miyembro sa teroristang Abu Sayyaf Group ang nakalas samtang unom ka mga sundalo ang nangaangol sa pito ka oras nga engkwentro sa Basilan kagahapon sa hapon.

Sumala pa sa gi-post sa Twitter account ni AFP public affairs officer Lt. Col. Harold Cabunoc nahitabo ang engkwentro sa Al Barka town. Matud pa nga duha ka mga terorista ang nakalas ug duna say duha ka mga nangaangol.

Ang mga sundalong naangol gidala na sa Zamboanga City alang sa dugang pagpatambal. Samtang ang Philippine Air Force mipadala og mga MD-520 attack birds sa encounter site aron mohatag og close-air support sa mga sundalo sa ubos.

Matud pa nga alas-5 pasado pa sa kaadlawon nagsugod ang binakbakay nga miresulta usab sa pagpamusil sa mga bandido sa lima ka mga sibilyan atol sa ilang pag-ikyas human sa pito ka oras.

Ang mga sibilyan nga nangaangol giluwas sa mga sundalo ug gidala sa tambalanan. (BANAT NEWS)