CEBU, Philippines – Gitun-an sa National Bureau of Investigation-7 kung i-exhume ba ang patay’ng lawas ni Jocelyn Coliflores kinsa giingong biktima sa medical malpractice sa Mandaue City Hospital.
Matud ni NBI-7 Assistant Regional Director, Atty. Dominador Cimafranca, nga ilang gi-evaluate ang mga dokumento ug ebidensiya nga giduso sa bana nga si Cesar.
Ang pamilya’ng Coliflores nihandum kagahapon sa ika-40 ka adlaw sa pagkamatay ni Jocelyn ug padayun nga nangayo sa hustisya.
Ang fact-finding team nga giumol sa Department of Health nibutyag nga wala’y nahimo’ng kalapasan ang Mandaue City Hospital.
Pinaagi ni Atty. Inocencio dela Cerna, gihangyo sa banay’ng Coliflores ang NBI-7 nga mopahigayun og re-autopsy sa patay’ng lawas ni Jocelyn.
Nagtuo si Cesar nga dili normal ang kamatayun sa iyang asawa human giingong gidapatan og sayop nga tambal. – /GMR) (BANAT NEWS)