CEBU, Philippines – Gisugdan na ang pagbutang og bag-o nga mga computer sets sa pipila ka mga buhatan sa lokal nga kagamhanan sa dakbayan sa Toledo.
Kini ang gikompirmar ni Rex Ybañez, labaw sa Government Information and Computer Services (GICS) sa Toledo.
Matud ni Ybañez nga tumong sa pagbutang sa bag-ong kahimanan alang sa paspas ug dali nga proseso sa trabaho nga magkinahanglan sa pagbalhin og mga datos o papeles.
Adunay naka-install nga bag-ong software sa matag computer nga butang nga mas paspas.
Lakip sa mga buhatan nga nabutangan na og bag-ong mga computer ang Treasurer’s Office nga usa sa labing busy nga buhatan sa City Hall ug ang Office of the Building Officials (OBO). – /GMR) (BANAT NEWS)