CEBU, Philippines - Duha ka manag-amigong Amerikano nagsinumbagay tungod sa utang nga salapi.
Ang midangop sa Talamban Police Station si Michael O’Brien, 66, nagpuyo sa Barangay Jugan lungsod sa Consolacion ug gireklamo ang amigo nga si William Johnson.
Base sa imbestigasyon sa kapolisan nga ang suspek ug ang biktima nag-abot sa usa ka bar sa Barangay Talamban diin gikatahong gipaninglan ni O’Brien sa utang nga P25 mil si Johnson.
Apan gikatahong wala g’yud motingog ug wa magtagad ang suspek sa biktima ug misuway pa og lakaw, tungod niini gikuptan ni O’Brien ang bag sa suspek hinungdan sa kasuko sa naulahi.
Matud pa nga giduot sa suspek ang biktima sa hagdanan ug dihang natumba gisumbag kini.
Ang tag-iya sa bar ug ang security guard nga nakakita sa maong hitabo daling midagan ug miulang sa duha, daling milakaw ang suspek hinungdan nga midangop sa kapolisan ang biktima. (BANAT NEWS)