Wanted nga dinamitero nadakpan
CEBU, Philippines - Nadakpan na sa kapolisan ang mananagat nga nag-atubang og kaso sa korte sa kaso’ng paggamit og dinamita nga taga Catarman, lungsod sa Cordova. Ang warrant of arrest giluwatan niadto pa’ng Pebrero 2010 batok sa usa ka Genero Semeon, 36-anyos, kinsa nisibat ug nagtagotago sa probinsiya sa Bohol.
Matud ni Police Officer 2 Noel Resillosa sa Cordova Police Station nga nadakpan si Semeon sa mga sakop sa Marine Watch sa lungsod sa paggamit og dinamita ug napasakaan og kaso sa korte.
Dugang ni Resillosa nga nagtuo ang akusado nga nawagtang na ang iyang kaso sa paglabay sa katuigan hinungdan sa pagpauli na sa ilang panimalay.
Si Resillosa niingon nga dihang ilang nasayran ang pagpauli ni Semeon sa ilang panimalay sa Catarman dali kini nilang gidakop. (BANAT NEWS)
- Latest
