May upat ka kaso’ng lugos sikop
CEBU, Philippines – Nasikop sa kapolisan ang usa ka tawo nga nag-atubang og upat ka kaso’ng pagpanglugos sa panimalay nga iyang gipuy-an sa barangay Casuntingan, dakbayan sa Mandaue alas 3 pasado sa hapon sa niaging adlaw.
Si Senior Police Officer 4 Fernando Gabutero niila sa nadakpan nga si Jose Cabalida, 34-anyos, ulitawo nga taga San Carlos City, Negros Occidental ug temporaryo nga nagpuyo sa nahisgutang dapit sa dakbayan sa Mandaue.
Si Judge Mercedita Dadole sa Branch 28 sa Regional Trial Court (RTC) sa dakbayan ang niluwat sa warrant of arrest batok sa akusado.
Ang una, ikaduha ug ikatulo nga kaso may girekomendar nga tag P200 mil nga piyansa matag usa ka kaso apan ang ikaupat wala na’y piyansa. Si Gabutero niingon nga dugay na nga nahitabo ang pagpanglugos nga gihimo sa akusado.
Giluwatan ni Dadole ang warrant of arrest batok sa akusado niadto’ng Disyembre 14. – /GMR) (BANAT NEWS)
- Latest
