CEBU, Philippines - Gidakop ang 41-anyos nga lalaki nga naghupot og 20 ka gagmay’ng putos sa ginadiling drugas atol sa gihimong buy-bust operation sa sitio Bukid-Bukid, barangay Pajac, dakbayan sa Lapu-Lapu sa niaging Biyernes sa udto. Matud ni Police Senior Inspector Rogelio Pineda Jr., hepe sa City Anti-Illegal Drugs Special Operations Task Group sa Lapu-Lapu City Police Office, ang suspek mao si Ramir Igot, adunay kapuyo ug kasamtangang nagpuyo sa maong barangay.
Gihimo ang operasyon pinaagi sa usa ka police poseur buyer kinsa nitunol og P200 nga marked money kang Igot agi'g baylo sa gipalit nga duha ka pakete’ng shabu.
Napakyas ang ilegal nga transaksiyon sa suspek ug nadakpan kini sa kapolisan.
Nakuha ang P300 nga kwarta nga gituohan nga halin sa suspek kinsa wala’y igong trabaho.
Dugang ni Pineda nga ang nasakmit nga drugas gibanabana nga mokabat sa P11,800. (BANAT NEWS)