CEBU, Philippines - Gipaabot ang daghang contingents nga musalmot sa Sinulog Festival sa sitio Anakma, Pagsabungan, dakbayan sa Mandaue karong Enero 30.
Kini tungod kay bukas na alang sa mga contingents gikan sa lain-laing lugar.
Si Raul Ruiz, chairman sa Anakma, Inc., niingon nga ilang gibuksan sa mga contingents gikan sa laing lugar sa tuyo nga mamahimo pa kini’ng labing mabulukon karong tuiga.
Dugang ni Ruiz nga dili hinuon dinagku nga kantidad ang ganti nga ilang ihatag sa mga mananaug tungod kay kinaugalingon lang sa ilang pamilya sa pagdugang sa kamabulukon sa kapistahan sa kapilya.
Dugang ni Ruiz nga ang modaug alang sa una’ng ganti makadawat og P10 mil ug P6 mil ang ikaduha’ng mananaug ug P4 mil sa ikatulo’ng mananaug.
Si Ruiz niingon nga ang Sinulog Festival sa ilang lugar maisip lang nga kabahin sa gihan-ay nila’ng kalihukan sa tinuig nga pangilin karong tuiga.
Naglakip sa mga kalingawan nga ilang gihan-ay sa pangilin ni Senior Sto. Niño ang linawas nga drama sa entablado, singing contest, dance contest ug uban pa. (BANAT NEWS)