Props dili sobrahan ka dagku
CEBU, Philippines - Giawhag ni Sinulog Foundation, Inc. (SFI) Executive Director Ricky Ballesteros ang mga musalmot sa kompetisyon sa Sinulog nga dili magpalabi og padaku sa ilang mga props.
Matud ni Ballesteros posible’ng makaguba sa ilang performance ang kadaku sa ilang mga props nga gipanggamit. “Dili mogamit og ligid nga dili makapadaku sa ilang mga props nga alsa lang gyud ba.
But you know after the competition niubos sad ilang presentation ang ilang production value niubos sad,” matud ni Ballesteros.
Sugyot niya nga seguraduhon sa mga contingents nga magamit gyud pag-ayo ang ilang mga props nga gipanghimo.
Matud niya ang sayaw ug ang konsepto sa ilang presentasyon ang kinahanglan nga hatagan og grabeng pagtagad. Dugang niya wala sab niya gidasig ang mga musalmot nga apilan og pagbasa og synopsis ang ilang performance.
Pasabot ni Ballesteros adunay mga panahon nga dili magkatukma ang sayaw ug ang naa sa synopsis. Dugang niya panagsa mas nindot pa ang naa sa synopsis kompara sa ilang sayaw nga gipakita.
Bisan niini iya hinuong gidayeg nga adunay daghang bag-ong konsepto nga gipakita ang mga contingents karong tuiga.
Matud niya mas nindot sab ang mga props ug costumes sa mga contingents nga nagpakita sa ilang talento. (BANAT NEWS)
- Latest
