CEBU, Philippines - Hayan makuha pa sa mga senior citizens ang financial assistance nga na-forfeit sa niaging tuig, sumala pa ni Cebu City Mayor Michael Rama.
Ang kantidad nga wala nakolekta niabot og kapin sa P5.3 milyones ug mabalik na sa panudlanan sa dakbayan ug dili na mahatag.
Matud ni Rama nga makig-estorya siya ni City Treasurer Diwa Cuevas kun itugot pa ba ang paghatag sa wala nakolekta nga pundo.
Dugang ni Rama nga mangutana siya kun unsay mga posibilidad nga pwede makuha ang financial assistance sa wala pa makakobra. Base sa rekord sa Cash and Disbursement Division sa City Treasurer’s Office, niabot og P2.8 milyones ang cash assistance nga wala pa nakolekta gikan sa south district ug P2.5 milyones sa north district.
Nakapasamot sa pagduda nga ang mga senior citizens nga wala makakolekta wala g’yud sa dakbayan nagpuyo ug tua na sa lagyo nga mga probinsiya. (Sheilame P. Medil, USJ-R Masscom Intern/GMR)(BANAT NEWS)