CEBU, Philippines - Way nakita nga problema ang Philippine Coast Guard ug militar sa umaabot nga Sinulog karong tuiga.
Si Cebu Coast Guard Commander Rodolfo Villajuan, miingon nga malampuson ang dry run sa fluvial procession kagahapon sa sayong buntag.
Dugang pa niya nga hapsay ang tanan ug ang panahon lamang ang iyang nakita nga problema ugma sa sayong buntag.
Sumala pa ni Villajuan nga mohatag ra siya og rekomendasyon kun mamahimo bang padayunon ang fluvial procession tungod sa dagan sa panahon.
Ang fluvial procession kinahanglang mahuman sulod lamang sa usa ka oras ug tunga sa dagan nga 5 knots. Ug dugang niya nga kapin sa usa ka gatos na ka mga “sea vessels” ang miparehistro alang sa maong kalihokan. Samtang ang Commander sa Armed Forces of the Central Command Lieutenant General Nicanor Vibar, miingon nga natagbaw siya sa seguridad nga gipatuman sa Pier I nga maoy dunggoan sa fluvial procession. Matud niya kapin sa kwatro mil ka mga personnel ang ilang ipakatap atol sa Sinulog lakip na kini sa usa ka libo ka mga reservists ug mga kadete. (BANAT NEWS)