CEBU, Philippines - Nisaka pag-ayo ang presyo sa utanon sa merkado human sa bagyong Queenie ug Seniang.
Matud ni Roldan Saragena, provincial agriculturist, nga daghang pananum ang nagusbat sa habagatan hinungdan nga nisaka pag-ayo ang presyo tungod sa kanihit sa mga utanon.
"Ang supply ni-decrease gyud more than 50 percent tungod sa nagsunod-sunod nga bagyo, ilabi na nga sensitive kaayo ang mga leafy vegetables maong lisud gyud kaayo ang kahimtang sa crops," asoy ni Saragena. Naglaum si Saragena nga makarekober ang mga lungsod sulod sa duha ngadto sa tulo ka buwan.
Karong tuiga tutukan ang rehabilitasyon ug pagtabang sa mga mag-uuma. (Lorelyn D. Dechos, USJ-R Masscom Intern/GMR)(BANAT NEWS)