P1.8M ihinabang sa Cebu City

CEBU, Philippines – Mokabat sa P1.8 milyones ang ihinabang sa kagamhanan sa dakbayan sa Sugbo sa mga dapit nga gikusokuso sa bagyong Seniang.

Kini human aprobahi sa konseho sa dakbayan sa Sugbo ang paghatag og tag P300 mil nga hinabang matag lugar.

Si Konsehal David  Tumulak niduso sa resolusyon nga maghatag og tag P300 mil nga financial assistance sa mga lungsod sa Dumanjug, Alcantara, Ronda ug Sibonga.

Apan atol sa sesyon kagahapon, si Konsehal Lea Japson nidugang nga lakip sa pahatagan sa samang kantidad ang Borongan, Eastern Samar ug Catbalogan nga naigo gihapon sa bagyong Seniang.

Ang pundo kuhaon sa nahabilin sa gigahin alang sa Local Disaster Risk Reduction Management sa niaging tuig 2014. – /GMR) (BANAT NEWS)