Gun ban sa Sinulog
CEBU, Philippines – Ang kapulisan sa Police Regional Office-7 nagplanong mopatuman og full alert status ug total gun ban sa dakbayan sa Sugbo nga ipatuman karo’ng adlaw nga Lunes hangtod na sa adlaw nga Domingo.
Ang PRO-7 mo-deploy og 861 ka mga polis sa siyudad aron pagtabang sa seguridad sa Sinulog 2015.
Gitug-an ni Superintendent Renato Dugan, ang Public Information Officer (PIO) ug hepe sa Regional Personnel and Human Resources Development Division nga karong Enero 12 ang PRO-7 ipaubos sa full alert status.
Tanang pulis walay tugotang makabakasyon ug ang tanang naka-leave na gikinahanglan na nga mobalik sa trabaho.
Kini mipasabot nga lahi sa nanglabay nga kasaulogan ang PRO-7 planong mo-apply og total gun ban gikan Enero 12 hangtod 19 didto sa Campo Crame sa kaulohang Manila.
Kadtong duna’y mga permit to carry firearms outside of residence (PTCFOR) suspendido una ang ilang pribelihiyo dinhi sa dakbayan.
Sa sayo pa, una na nga mihangyo ang Officer In-Charge Chief sa Cebu City Police Office, Sr. Supt. Conrad Capa nga mangayo kini og dugang 1,200 ka mga polis alang sa dugang pwersa sa seguridad.
Samtang ang hepe sa Cebu Provincial Police Office Director Sr. Supt. Noel Gillamac miingon nga mopadala usab siya og 100 ka mga polis ngadto na sa CCPO ug magbutang og mga checkpoints sa mga dalan padung sa Cebu City. – /EIM) (BANAT NEWS)
- Latest
