CEBU, Philippines – Ang Mactan Cebu International Airport lakip sa mopahigayon og nagkalain-laing kalihukan alang sa pagsaulog sa Sinulog karong tuiga nga sugdan karong Miyerkules sa sunod semana. Usa sa mga kanunay nga giatangan sa mga turista ug mga Balikbayan sa Kapistahan sa Balaang Bata mao ang grupo sa mananayaw nga magsinulog sa arrival ug departure area mapa-domestic ug international flights sa MCIA.
Karong tuiga dunay pa-raffle nga gihimo alang sa mga hotel accommodations sa Sugbo ug Manila ingon man ang airfare round trip ticket nga sugdan sa Enero 12 hangtud na sa Pebrero 12.
Gipahugtan usab sa tugpahanan ang seguridad niini ilabi na karong hinayhinay nang gipalambo ang mga pasilidad niini alang sa haruhay ug way hasol nga biyahe sa mga pasahero.
Gipakatap usab sa mga terminal sa tugpahanan ang mga information desks aron duna dayoy mapangutana ang mga pasahero. – /EIM) (BANAT NEWS)