CEBU, Philippines - Dili gyud mobayad ang Kapitolyo sa mga contractors kinsa’ng kontrata wala moagi sa hunta probinsiyal matud pa ni Gob. Hilario Davide III. Ang Duros Development Corporation, usa sa 31 ka contractors nga nakahimo og proyekto panahon ni kanhi gobernador Gwendolyn Garcia, niduso og reklamo sa Construction Industry Arbitration Commission (CIAC) batok sa Kapitolyo.
Niadtong Nobiyembre 21, ang CIAC nipagawas og hukom pabor sa Duros Development Corporation. Ang Kapitolyo may bayranan nga P83 milyones ngadto sa Duros sa mga proyekto niadtong tuig 2006.
Ang kagamhanan sa probinsiya duna’y P607 milyones nga kinatibuk-ang bayranan sa mga contractors diin P88 milyones lang sa maong kantidad ang “ready for billing”.
Si Bokal Grecilda Sanchez, chairman sa committee on appropriation, nagkanayun nga mangayo sila og tabang sa Commission on Audit (COA) kung angayan ba sila’ng mobayad sa mga contractors. (Brenda D. Batuto/GMR)(BANAT NEWS)