CEBU, Philippines – Moabot sa kapin sa 40 ka mga paresan ang dungan unya nga magpakasal sa ipahigayon nga mass wedding sa Sacred Heart of Jesus Parish sa Barangay Poog dakbayan sa Toledo.
Kini agig pinaskuhan sa mga buot magpakasal nga mga babaye ug lalaki nga binuhat karong buwana. Gikan sa barangay Biga ug sityo Pandong Bato sa barangay Media Once nga sakop sa maong parokya ang maong mga paresan nga maghiusa sa salag sa kaminyoon.
Nahuman na sa pre cana seminar ang maong mga paresan ug gikatakdang ipaubos sa pagpangutana sa kadagkuan sa simbahan sa Sacred Heart of Jesus Parish.
Wala pa hinuoy petsa kanus-a ipahigayon ang maong kasal sa barangay.
Ang maong mass wedding gipaluyohan sa Carmen Copper Corporation (CCC) nga nahimutang sa barangay Don Andres Soriano o Lutopan, Toledo.
Ipahigayon usab unya ang salo-salo sa covered court sa barangay Biga nga gitukod usab sa CCC. – /EIM) (BANAT NEWS)