Nagdala’g kutsilyo, miadto’s korte

CEBU, Philippines – Nadakpan sa kapolisan ang usa ka tawo nga nagdala og kutsilyo diha’ng misulod sa court room atol sa hearing nga gihimo ni RTC Judge Jerry Dicdican sa dakbayan sa Danao kagahapon sa buntag.

Ang gidakop ni PO3 Reynold Perez mao si Carlo Michael Hackens, 25, ulitawo nga lumad nga taga Barangay Fuente, lungsod sa Carmen.

Matud pa ni PO2 Ronal Gomez sa Danao City Police Station nga si Hackens mitambong og hearing sa kaso sa iyang inahan apan diha nga girikisa ni PO3 Perez nahibaw-an nga nagluklok kini og kutsilyo sa iyang hawak. Dali nga gisakmit ni PO3 Perez ang giluklok nga kutsilyo ni Hackens ug gidakop tungod sa paglapas sa Batas Pambansa Bilang 6 kon pagdala og hait nga hinagiban. – /RUB) (BANAT NEWS)