Scholars ni Lollipop naduganga’g 50

CEBU, Philippines – Dugang 50 ka kabus nga kabataan sa dakbayan sa Mandaue ang makapadayon sa pagkuha sa upat ka tuig nga kurso sa pribadong kolehiyo.

Kini ubos sa scholarship program ni Konsehal Emmarie “Lollipop” Ouano-Dizon.

Matud ni Ouano-Dizon nga ang maong 50 ka scholars motungha sa AMA College sa Mabolo, dakbayan sa Sugbo. Kapin na sa 300 ka scholars ang matabangan ubos sa “Edukasyon Mo, Pangandoy Ko” ni Ouano-Dizon.

Matud ni Ouano-Dizon nga mokabat sa P2.5 milyones nga kantidad ang iyang gigahin gikan sa kaugalingong kwarta matag tuig alang sa maong programa nga iyang gipasiugdahan.

Si Retchie Sanchez nga maoy admission officer sa AMA College miingon nga ang programa ni Ouano-Dizon ilang gitugbangan pinaagi sa paghatag og 30 porsiyento nga diskwento sa ilang bayranan sa matrikula matag semester. Dugang nilang gitampo sa programa ni Ouano-Dizon ang pag-andam daan sa mga establesemento nga mahimong kasudlan og trabaho sa mga tinun-an kung mahuman na sa pagtungha. – /GMR) (BANAT NEWS)