CEBU, Philippines - Ang tropical cyclone nga si Ruby gipaabot nga nag-landfall kagabii sa Eastern Samar o ba kaha sa Legaspi City sa Bicol Region sumala pa sa Philippine Atmospheric Geophysical Astronomical Services Administration.
Ang PAGASA miingon nga si Ruby moigo sa Eastern Samar gikan alas 2:00 sa kaadlawon ngadto sa alas 4:00 sa hapon samtang kini nag-irog padung sa Masbate ngadto na sa Sibuyan Island sa alas 8:00 ngadto na sa alas 10:00 unyang gabii.
Apan sa laing pagbanabana, posible kining sa Bicol motugpa ug motadlas sa direksyon sa Metro Manila.
Matud ni Engr. Oscar Tabada, sa PAGASA-Mactan, ang Kabisay-an makasinati madag-umong kalangitan hangtud na sa Huwebes.
Ang eastern seaboard peligro sa storm surge tungod kay taob ang dagat ug kusog ang dalang hangin ni Ruby. Si Ruby adunay maximum wind speed nga 185 kph ug nag-irog sa 13 kph ug gipaabot nga sa pagtadlas niini sa kayutaan magkahinay kini hangtud paggawas sa nasud. (BANAT NEWS)