Nangasaba sa Obama sisters ipataktak
CEBU, Philippines – Duha ka mga anak ni US President Barrack Obama giayo og kasaba ug saway sa tigpamaba sa usa ka magbabalaod sa Amerika diha social networking site.
Apan inay nga makakuha og suporta sa mga netizens, nameligro karong mataktak sa iyang trabaho si Elizabeth Lauten, tigpamaba ni Republican Congressman Stephen Fincher sa Tennessee sumala pa sa report sa Agence France Presse.
Si Lauten mi-post sa iyang Facebook account nga dalang kasaba sa mga anak sa labing gamhanang tawo sa kalibotan nga sila si Malia ,16, ug Sasha Obama,13, tungod kay nagmuro ilang dagway atol sa usa ka National Thanksgiving sa Amerika niadtong Miyerkules.
Matud pa nga daghan ang mikomento sa dagway sa duha ka bata nga nagmuro tupad sa ilang amahan apan ang labing grabe nga nakasaway mao si Lauten, apan miani siya og pagsaway ug gipanawagan ang pagpataktak kaniya sa trabaho. (Gikan sa Wires/EIM) (BANAT NEWS)
- Latest
