CEBU, Philippines – Ang presidente sa nasud sa China nga si Xi Jinping misaad nga panalipdan niini ang soberiniya sa teritoryo sa ilang nasud tungatunga niining isyu karon sa panag-ilog sa West Philippine Sea ug East China Sea, sumala pa sa Xinhua news agency.
Ang China ug ang Japan nagkabangi tungod sa isla sa Senkakus nga gidumala sa Japan diha sa East China Sea samtang sa habagatan, gikabangi usab niini ang mga silingang mga nasud palibot sa West Philippine Sea. Ang Pilipinas, Vietnam, Malaysia, ug Brunei maoy kabangi sa China sa WPS, samtang apil sa nangangkon og teritoryo ang Taiwan.
Apan si Xi kinsa mao usab ang Communist Party secretary miingon nga tarungon nila pagdala ang isyu sa mga teritoryo. Nabantayan usab nga daw miluag ang iyang baruganan dihang miingon kini nga kinahanglang malinawon ang pag-ugmad sa maong mga dapit ug supakon nila ang paggamit og pwersa ug pagpanghulga. (Gikan sa Wires/EIM) (BANAT NEWS)