“Extramarital dating” website ipa-ban sa DOJ
CEBU, Philippines – Buot ni Justice Secretary Leila De Lima nga ipa-block ang usa ka website nga matud pa nagdasig sa mga sa “extramarital dating” nga gidala sa usa ka Ashley Madison tungod kay giingong nagtudlo kini sa katawhan paghimo og krimen.
"The website is a platform that allows illegal acts to be eventually committed. A ban may be enforced," matud pang De Lima sa SMS statement, sa report sa GMA News.tv.
Ang Canada-based firm, nga nagdala og slogan nga: "Life is short. Have an affair," bag-ohay pa lang gilusad dinhi sa Pilipinas.
Matud pa ni De Lima nga base sa balaod sa Pilipinas ang pagpanapaw o "adultery" usa ka krimen dinhi bisan pa man nga daghang mga gamhanan ug prominenteng mga tawo ang nagparada sa ilang mga kabit.
Base sa balaod sa nasud, ang pagpanapaw, babaye man o lalaki nagtangag og unom ka bulan nga pagkabilanggo.
Giawhag karon ni De Lima ang mga telecommunications companies nga himuon ang ilang kaakohan nga sigurohong di makalusot dinhi ang mga websites nga nagtudlo og ilegal. Ang mga nasud sa Singapore ug South Korea mi-ban na sa maong website tungod kay hulga kini sa kasagrado sa pamilya. – AFP/EIM) (BANAT NEWS)
- Latest
