Dul-an 10 ka balay gibahaan sa Toledo

CEBU, Philippines - Gisanapan sa tubig-baha ang mga 10 ka panimalay sa pipila ka barangay sa dakbayan sa Toledo kagahapong adlawa tungod sa kusog nga pagbunok sa uwan.

Gibana-bana nga milungtad sa unom ka oras ang pagbunok sa kusog nga uwan kagahapon nga maoy nakamugna sa lunop.

Sa Barangay Matab-ang, kapin sa lima ka panimalay ang gilunopan sa tubig baha, samtang niawas usab ang tubig sa usa ka sapa ingon man ang dike sa maong lugar.

Samtang pipila usab ka panimalay ang gibahaan sa Barangay Calong-Calong sa dakbayan sa Toledo. Ang pagtaob sa dagat nakatampo sa paspas nga pagtubo sa lunop.

Hinuon luwas ra ang mga residente sa maong lugar kang kansang kabalayan gibahaan. (BANAT NEWS)