CEBU, Philippines – Gisikop sa kapulisan sa Carbon Police ang usa ka 40- anyos nga lalaki nga taod-taod nang gipanid-an sa kapulisan tungod sa pagpayuhot og ilegal nga drugas sa El Filibusterismo Street, Ermita, Cebu City.
Ang nasikop mao si Jimmy Cruz, nagpuyo sa maong lugar human sa pag-implimentar sa search warrant nga giisyu ni RTC Judge Gilbert Moises sa Branch 18 sa dakbayan sa Sugbo.
Matud pa ni Police Officer 2 Mario Nator ang desk officer sa Carbon Police nga nahinabi sa Banat News ilang gironda ang balay ni Cruz ug nakuhaan kini og 34 ka gagmay nga paketeng shabu nga mikantidad og kapin P10,000.
Sigun pa ni Nator nga si Cruz usa sa mga personalidad sa Ermita nga dugay nang gipanid-an tungod sa pagpamaligya og drugas. – /EIM) (BANAT NEWS)