^

Banat Balita

Polis gipusil nakaligid

Romeo T. Limpangog - Banat

CEBU, Philippines - Nakalingkawas ang usa ka polis nga gipusil sa unom ka armadong lalaki nga gika-ingkwentro niini alas 9 pasado kagahapon sa buntag sa barangay Bangbang, lungsod sa Cordova.

Ang biktima mao si PO2 Lowel Pacollada, 35, nadestino sa Lapu-Lapu City Police Office (LLCPO) ug molupyo sa maong lugar.

Si PO2 Vilma Degamo sa Cordova Police Station miingon nga nagsakay og traysikad si Pacollada gikan sa ilang panimalay ug nalabyan niini ang iyang silingan nga si Erwin Inoc nga daw gikalalis sa unom ka tawo nga nagsakay og multicab.

Matud ni Degamo nga gisita kini ni Pacollada ug nagpaila nga polis apan usa sa unom ang kalit lang miibot og armas dayun pusil kaniya.

Dali nga nakaligid si Pacollada paingon sa pagpasalipod sa punoan sa kahoy ug mibawos kini sa pagpusil ug giingong usa sa unom ka lalaki ang naigo apan dali kining nanakay sa multicab ug nipabulhot sa pagpadagan pahilayo.

Si Degamo miingon nga duha sa unom ka suspek ang ilang nailhan nga sila si Henry dela Cruz, taga lungsod sa Cordova ug Jomare Rosales nga giingong taga Bato Carbon, dakbayan sa Sugbo.

Samtang naangol ang usa ka tawo nga gipusil kuyog sa iyang higala sa sitio Abra, Alang-Alang, dakbayan sa Mandaue alas 10 pasado ang takna sa niaging gabii. Si PO3 Victor Isidro sa Presinto 1 sa Mandaue City Police Office (MCPO) miila sa naangol nga si Bryan Cabatingan Cortes, 28, taga dalan Albano, Banilad, sa maong dakbayan.

Matud ni Isidro nga kuyog sa biktima ang iyang higala nga si Michael Flores, 49, nga taga barangay Ibabao sa maong dakbayan nga nagsakay og sakyanan nga gimaneho sa biktima ug padulong na unta kining parking daplin sa dalan sa maong lugar.

Ang suspetsado nga giila lang sa angga nga Toto ang kalit lang mitumaw sa lugar ug sa wala’y igong hinungdan namusil hinungdan sa pagkaangol ni Cortes nga naigo sa iyang bukton.

Daling nisibat pahilayo sa maong lugar ang suspek samtang ang biktima gidala sa tambalanan.  (BANAT NEWS)

 

vuukle comment

BATO CARBON

BRYAN CABATINGAN CORTES

CORDOVA

CORDOVA POLICE STATION

ERWIN INOC

JOMARE ROSALES

LAPU-LAPU CITY POLICE OFFICE

LOWEL PACOLLADA

PACOLLADA

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with