CEBU, Philippines - Naangol ang usa ka 7-anyos nga batang babaye human kini masaghiri sa manobela sa motor nga gimaneho sa usa ka lalaki sa lungsod sa Balamban.
Ang biktima naila nga si Leah Rose Traya, molupyo sa Sitio Pilit, Barangay Nangka, Balamban samtang nakabangga kaniya naila nga si Franklin Kiamco Jr., 38, taga Luray II sa dakbayan sa Toledo.
Base sa imbistigasyon sa kapolisan, ang biktima nagbarog sa kilid sa dalan duol sa metal railings aron unta mulabang sa pikas nga bahin sa dalan apan sa pag-agi sa suspek nasaghiran niini ang ulo sa bata. Maayong pagkabaliwliw sa bata pipila ka metros ug swerte nga diha ang tanod nga si Rodolfo Legaspi, ug daling nahatod sa Balamban District Hospital ang bata.
Ang suspek misutoy og dagan padulong ngadto sa lungsod sa Asturias apan nasayran nga nadisgrasya kini hinungdan nga nadakpan ug gi-turnover diha sa Balamban Police Station. (BANAT NEWS)