Sumad sa yolanda giandaman sa kapitolyo
CEBU, Philippines – Nangandam na ang Kapitolyo sa paghinumdum sa bagyong Yolanda usa na ka tuig ang nakalabay karong Nobiyembre 8.
Si Gob. Hilario Davide III ang mangulo sa kalihukan nga ipahigayun sa dakbayan sa Bogo samtang iyang bisitahon ang mga dapit sa amihanang bahin sa probinsiya nga nagusbat sa bagyo.
Karong Nobiyembre 7, ilang gidapit si Arsobispo Jose Palma nga mangulo sa santos nga misa sa Bogo City Coliseum.
Human niini sundan sa usa ka programa diin ang mga mayor sa 16 ka apektadong lokal nga kagamhanan ang mopaambit sa ilang kasinatian ug sa ilang pagtabang sa mga biktima.
Ang consultant sa Kapitolyo alang sa rehabilitasyon, Carmel Ulanday, nipahibawo nga dunay mga opisyal gikan sa kauluhan ang motambong sa kalihukan. (BANAT NEWS)
- Latest
