P70M gigahin aron pagsulbad sa baha

CEBU, Philippines - Ang kagamhanan sa dakbayan sa Sugbo mogahin og P70 milyones nga pundo alang sa drainage comprehensive project aron pagsulbad sa problema sa baha.

Niadtong Miyerkules, ang konseho sa siyudad mipalabang og resolusyon nga nag-awhag nga ang P70 milyones nga pundo sa bangko sa siyudad alang sa nahisgutang proyekto.

Sila si Konsehal Noel Wenceslao, Roberto Cabarubias, Gerardo Carillo, Hanz Abella ug Dave Tumulak ang mipaluyo sa maong resolusyon.

Gipasabot nila nga niadtong Septiyembre 18, 2014 ang siyudad sa Sugbo gibahaan tungod sa kusog nga uwan nga dala sa bagyong Mario.

Gamiton ang maong kwarta paglimpyo ug pagpalawom sa kasapaan ug mga kanal sa dakbayan. Ang Department of Engineering and Public Works (DEPW) ang miandam na sa Program of Works and Estimates (POWE) sa maong proyekto. (Brenda D. Batuto/EIM)(BANAT NEWS)