CEBU, Philippines - Gibasura sa Philippine Drug Enforcement Agency ang motion for reconsideration nga gipasaka ni Deputy Director Esperideon Javier may labot sa kasong pagpanghagit og pinusilay sa tigbalita nga si Guamitos Logronio. Sa upat ka pahina nga desisyon sa PDEA’s Internal Affairs Service nga gipirmahan ni Director-General Arturo Cadac kini nagkanayon nga “lack of merit” ang motion ni Javier.
Si Logroño mipasangil ni Javier nga kini mihulga ug mihagit og pinusilay dihang hinabion lang unta may kalabutan sa usa ka operasyon.
Unom ka buwan ang gipakanaug nga suspension sa IAS batok ni Javier.
Sa pamahayag ni Logroño kini mitug-an nga ang nahimong hukom sa IAS usa ka nindot nga pangregalo sa Christmas human sa usa ka tuig niyang pinaabot. (BANAT NEWS)