CEBU, Philippines - Drayber og motorsiklo namatay diha nga misuway siya’g overtake sa 10-wheeler truck didto sa Yati, Liloan kaniadto’ng Biyernes sa gabii apan naapiki sa bana-bana nabangga sa gikasugat nga Fuso Canter truck.
Si Monroe Pitogo, taga Barangay San Vicente, Liloan, misuway unta og lusot apan ang iyang ulo nasangit sa side mirror sa Canter truck mao nga siya natumba.
Ang Fuso Canter truck nga nagpaingon dinhi sa dakbayan sa Sugbo gimaneho ni Felipe Sangutan, 22, taga Sitio Camalig-Bato, Barangay Tabok, dakbayan sa Danao.
Si PO3 Jason Gayo, desk officer sa Liloan Police Station, miingon nga ang biktima gidala unta dayon sa Vicente Sotto Memorial Medical Center apan gideklarar nga patay na. Bisan og si Pitogo maoy miilog og agianan, apan ang drayber gitanggong gihapon sa kapolisan. Kun walay makab-ot nga settlement sa kaso ang kapolisan mapugos pagpasaka og kaso sa korte batok ni Sangutan. - /RUB (BANAT NEWS)