Polis nga AWOL may video nga nagsuyop

CEBU, Philippines – Ang polis nga dugay na nga nag “absent without leave” (AWOL) ug gilambigit sa mga pagpanulis dinhi sa dakbayan sa Sugbo nasikop sa mga sakop sa City Intelligence Branch (CIB), pinasikad sa warrant of arrest diha sa  Duljo Fatima.

Ang nasikop mao si Police Officer 2 Ronilo Manuel kanhi sakop sa Cebu City Public Safety Company (CCPSC).  Ang warrant of arrest ang gi-siyu ni RTC Judge Alexander Acosta sa Branch 9 sa dakbayan sa kasong pagpanulis sa usa ka taxi drayber nga nahitabo niadtong Pebrero 10, 2014 sa Talamban. Atubangan sa mga tigbalita gipresentar si Manuel sa hepe sa CIB nga si Superintendent Romeo Santander ug sa pag-search  sa internet,dunay video sa YouTube nga nagpakita kang Manuel nga gituohang nagsuyop og drugas nga molungtad og 13 segundos. Miangkon siya  nga siya ang nakuhaan sa  video apan wala siya magdahom nga gi-upload kini sa YouTube. Wa na siya motubag sa mga tigbalita dihang gisukit-sukit bahin sa maong video. – /EIM) (BANAT NEWS)