CEBU, Philippines – Nadakpan sa managlahing operasyon sa kapolisan sa lungsod sa Cordova ang lima ka pusher og shabu nga naglakip sa duha ka babaye ug usa ka lalaki uban sa minor de edad nga anak niini.
Si Senior Police Officer One Larry Wagwag sa Cordova Police Station miila sa duha ka babaye nga nadakpan sa buy-bust operation nga mao sila si Alma Ando, 31, ug Rhea Halos, 39.
Matud pa ni Wagwag nga ang ilang hepe nga si Senior Inspector Alexander Nuñez maoy nangulo sa buy-bust operation pinaagi sa ilang kauban nga nagpatuo nga tiggamitan og drugas.
Dihang gitunol sa duha ka suspek ang duha ka gagmay nga paketeng shabu bugti sa P200 dali silang gisikop.
Dugang nakuha kanila lain pang pakete sa shabu ug mga drug paraphernalia, buy-bust money nga P200 ug P950 nga gituohang halin sa shabu. -/EIM) (BANAT NEWS)