“Four-day work week” angayang tun-an
CEBU, Philippines – Angayan pa’ng tun-an ang gisugyot nga “four-day work week” sumala pa ni Bise Mayor Edgardo Labella sa dakbayan sa Sugbo.
Si Labella miingon nga kinahanglan og lawom nga pagtuon ang gitinguha ni Kong. Karlo Nograles.
Matud ni Labella nga dili advisable ang maong scheme sa pag-reduce sa lima ka adlaw nga trabaho ngadto na sa upat ka adlaw matag semana.
Alang kang Labella, mas maayo pa ang “flexi hours” kaysa upat nalang ka adlaw nga trabaho.
Gipasabot ni Labella nga posibleng daghang maapektohan nga serbisyo sa maong pag-reduce sa adlaw sa trabaho lakip na ang mga oras sa klase.
“It needs thorough studies and assessment considering of course the climate kay there are times nga sige og uwan”, ni Labella pa.
Si Nograles, chairman sa House Committee on Labor, mipasabot nga kung ma-implementar ang maong scheme, masulbad ang traffic sa Metro Manila.
Gawas niini ang maong scheme giingong makahatag usab og daginot sa energy.
Sa maong scheme ang mga kawani motrabaho gikan sa alas 8:00 sa buntag hangtud sa alas 7:00 sa gabii ug duna sila’y usa ka oras nga lunch break. -/GMR) (BANAT NEWS)
- Latest
