Pamakuna sa Toledo gilugwayan

CEBU, Philippines - Gilugwayan sa City Health Department sa Toledo ang pagpahigayun og massive immunization batok polio ug tipdas.

Kini ang gipahibawo ni Dr. Esperanza Canumay, pangulo sa CHD, sa dakbayan sa Toledo human natapos na unta sa nakalabay’ng adlaw ang pagpamakuna.

Matud ni Canumay nga nihatag sila og tulo ka adlaw nga lugway hangtud ugmang adlawa alang niadtong wala pa makapabakuna.

Nasayran nga 81 porsiyento pa lang ang ilang napabakunahan nga mga bata ug wala pa kini makaabot sa ilang target nga 80 mil ka bata sa 38 ka barangay sa dakbayan.

Ang massive immunization batok tipdas ang gipatuman lukop nasud alang sa kabataan nga nag-edad hangtud 5-anyos. (BANAT NEWS)