6-anyos na hit and run

CEBU, Philippines -  Nakaangkon og samad ug bun-og sa kalawasan ang 6-anyos nga lalaki human nabanggaan sa  multicab nga kusog ang dagan sa national highway sa barangay Bato, dakbayan sa Toledo sa nakalabay’ng adlaw. Giila ang biktima nga si Dominic Diaz Jumawan, Grade-1 sa Bato Elementary School.

Matud nila ni PO3 Cris Gako ug PO2 Celso Makidato sa traffic section sa Toledo City Police nga misuway og labang ang bata dihang nagpadulong ang usa ka closed van multicab nga kolor puti hinungdan nga nabanggaan ug nalagpot.

Daling gidala sa Toledo City Hospital ang bata apan gibalhin sa tambalanan sa dakbayan sa Sugbo.

Padayon usab nga giila sa kapolisan ang tag-iya sa multicab nga nakabangga sa bata human usab nga wala makuha ang plate number niini.  (BANAT NEWS)