CEBU, Philippines - Gitutukan sa Department of Labor and Employment (DOLE-7) ang pagpatuman sa minimum nga suhulan sa mga mamumuo.
Matud ni Catherine Legados-Parado, direktor sa Bureau of Working Condition sa DOLE-7, taas ang compliance rate sa pagpatuman sa minimum nga suhulan.
Gibutyag sa direktor nga dunay mga kompanya nga hangtud karon wala mohatag sa minimum nga suhulan tungod kay wala masayud sa balaud.
Si DOLE-7 Assistant Regional Director Joel Gonzales miingon nga bisan ang mga Taiwanese nga dunay negosyo apil sa ilang gi-monitor. May mga labor law complaint officers nga gipakatap ang DOLE-7 nga mosusi kun ang ilang mga benepisyo nga gipanghatag sa mga empleyado makiangayon.
Ang DOLE-7 hapit na mahuman sa pagbisita sa mga establisemento sa tibuok rehiyon. (Decemay P. Padilla/GMR)(BANAT NEWS)