DOH: Ayaw taak sa baha

CEBU, Philippines - Gipahimangnoan sa Department of Health ang publiko nga dili motaak sa baha aron malikay sa kagaw nga leptospirosis.

Kini nunot sa kusog nga pagbunok sa uwan nga miresulta sa grabeng baha sa Metro Cebu.

Labi na nga maglikay sa baha kadtong mga tawo nga adunay mga samad aron kalikayan ang sakit nga leptospirosis nga dala sa  hugaw sa mga ilaga.

Posible usab nga makuha ang sakit diha sa baha ang tetanus ug mga sakit dala sa bacterial infection diin ang maong sakit makamatay.

Matud ni DOH-7 Director Jaime Bernadas nga kun motaak gyud sa baha kinahanglang magpabakuna og profilaxis sa health center. Giklaro ni Bernadas nga ang tambal nga profilaxis libre ra nga ihatag sa mga health centers. (Decemay P. Padilla/GMR)(BANAT NEWS)