Mga classrooms di himuong kantina–depEd7

CEBU, Philippines - Giklaro ni Department of Education regional director Carmelita Dulangon nga gidili sa mga magtutudlo ang pagpaninda sud sa ilang mga classrooms ug gimandoan niini si Toledo City Schools Division Superintendent Ronald Gutay sa pagsusi sa reklamo sa magtiayon ngadto sa Ombudsman for the Visayas kalabot sa gipangbuhat sa mga magtutudlo sa Carmen Elementary School.

Ang unom ka mga magtutudlo gireklamo sa magtiayong Diomedes ug Jocelyn Villar ngadto sa Ombudsman human wala sila matagbaw sa resulta sa husay nila tali sa mga kadagkoan sa DepEd Toledo City. “Ang maestra magtudlo ug dili maninda unless dunay cooperative unya kahibalo ang eskwelahan…dapat pud ang gikaon nutritious kay mag-feeding man gani ta basta ang main job sa maestro ang pagtudlo ug dili tindera,” matud pang Dulangon.

Si Ronald Gutay, Schools Division Superintendent mibutyag sa The Freeman, igsuong pamantalaan sa Banat News, wa nila gi-tolerate nga himuong kantina sa mga magtutudlo ang mga lawak saringan.  “We do not tolerate this one and I always discuss this during executive conference,” matud pa niya sa phone interview. Dunay DepEd Order No. 8 Series of 2007 kon Revised Implementing Guidelines on the Operation and Management of School Canteen in Public and Secondary Schools.

Kini nagklaro nga dunay duha ka klaseng kantina ang itugot sa mga eskuylahan, kini mao ang School-Managed Canteen ug ang Teacher’s Cooperative-Managed Canteen. Apan bisan asa sa duha, kinahanglang dili magtutudlo maoy modumala niini.  “Hindi kasi nailalagay sa order ng DepEd na ang classroom ay gawing canteen so hindi talaga pwede ang ganyan kasi ang teachers may sweldo tapos lugi naman ang DepEd kung magtitinda na lang sila,” matud pang Gutay. (BANAT NEWS)