CEBU, Philippines – Giawhag sa Hunta Probinsyal sa Sugbo ang tanang lokal nga kagamhanan sa probinsya nga mosuporta sa Measle-Rubella ug Oral Polio Vaccine Immunization nga programa sa Department of Health karon tibuok buwan sa Septiyembre.
Kini subay usab sa pahimangno sa DOH batok sa tipdas.
Usa ka resolusyon ang gipangamahanan ni Bokal Jude Thaddeus Durano-Sybico nga nag-ila sa programa sa DOH.
Giawhag sa DOH ang mga ginikanan nga ang ilang mga anak nga nagpangedaron og 5-anyos paubos dad-on sa duol nga health centers aron makapahimulos sa libre nga pagpabakuna.
Ang mga bata nga nag-edad siyam ngadto sa lima ka tuig makakuha sa Measles-Rubella vaccines samtang Oral Polio vaccination usab alang sa nag-edad og 5-anyos paubos. Sa niaging tuig natala ang laing pagkuyanap sa maong sakit hinungdan nga magpahigayon na usab og laing mass immunization. - /GMR) (BANAT NEWS)