CEBU, Philippines - Gibalhug na sa bilanggoan ang most wanted person sa dakbayan sa Mandaue tungod sa mga kasong robbery, direct assault ug frustrated homicide human madakpi kagahapon sa hapon sa lungsod sa Tabogon.
Ang nadakpan mao si Reynante Monterola taga Mantuyong, dakbayan sa Mandaue nga suspek sa pagtulis kang Jessie Ebonghanoy Mendanillo ug sa asawa nga nahitabo niadtong Hunyo 25, 2011.
Matud ni SPO3 Marcos Noval Jr. sa Investigation Detection and Management Bureau (IDMB) sa Mandaue City Police Office nga dugang kaso nga giatubang sa dinakpan mao ang direct assult ug frustrated homicide dihang gidakop unta sa kapolisan apan namusil kini ug nakasibat pahilayo.
Dugang pa ni Noval nga ang mga kauban sa pagpanulis ni Monterola nga ilang nadakpan sa follow-up operation nalakip sa ilang gipasakaan og kaso ug nalutsan og warrant of arrest sa korte. Si Noval miingon nga si Monterola lang ang nakasibat ug nagtago-tago hangtud ilang nasayran nga didto kini sa lungsod sa Tabogon. (/GMR)(BANAT NEWS)