CEBU, Philippines - Usa ka kawani sa Mandaue City hall ang nadakpan sa chief security officer sa usa ka resto bar sa Mantawi Drive Reclamation Area, Barangay Subangdaku, Dakbayan sa Mandaue inabagan sa kapolisan sa miaging Martes sa gabii.
Si SPO1 Michael Limalima sa kapolisan sa Presinto 2 sa Mandaue City Police Office (MCPO) miila sa dinakpan nga mao si Franco Aveso, 20, job order nga kawani nga nadestino sa City Planning Office sa Mandaue City Hall.
Matud pa nga usa ka Edwin Jakosalem , chief security officer sa G-4 Resto Bar uban nila ni PO2 Jessie Emmanuel Gakit ug PO1 Allan Vertosio maoy midakop kang Aveso nga naabtan nilang naghithit og usa ka stick nga marijuana. (BANAT NEWS)