‘Age limit’ sa Talisay ipawagtang
CEBU, Philippines- Buot si Talisay City Mayor Johnny De los Reyes nga dili limitahan ang edad sa mga mo-apply og trabaho basta haum sa posisyon.
Giawhag ni De los Reyes ang konseho nga ipasar ang iyang giduso nga “draft ordinance” kang Konsehal Raul Cabañero, presidente sa Association of Barangay Councils (ABC), nga magdili sa mga establesamento sa siyudad sa pag-limit sa 40-anyos sa ilang dawaton nga trabahante.
Gitumbok sa mayor nga tungod sa “age limit requirement” daghang Talisaynon nga haum pa untang motrabaho ang wala’y mga trabaho karon.
Ang maong ordinansahon kung mapasar usa na unya sa mga rekisitos sa paghatag og business permit sa siyudad.
Si Bise Mayor Romeo Villarante nagkanayon nga ang maong sugyot sa mayor maayo apan angayan unang susihon ang legalidad niini.
Hinuon ang maong sugyot sa mayor itugyan una kini ngadto sa committee on laws and ordinances aron matun-an. - /GMR) (BANAT NEWS)
- Latest
