CCCS kampeyon sa 14th Dinagat Festival Showdown
CEBU, Philippines- Ang contingent sa Cordova Catholic Cooperative School maoy midaug sa 14th Dinagat Festival Showdown sa Lungsod sa Cordova karong tuiga nga gipahigayon niadtong Domingo sa hapon.
Ang tanang mananaog sa nagkadaiyang kategoriya nakadawat og salapi nga ganti gikan sa lungsod. Ang gikombatihan sa indigay mao ang Festival Queen, Street Dancing ug aktwal nga dance showdown nga gihimo sa Tourism Center sa Barangay Day-as.
Samtang ang Cordova Central School maoy ikaduhang mananaug sa showdown. Ang Cordova National High School usab maoy midaug sa unang ganti sa street dancing.
Liboan ka mga tawo ang misaksi sa maong indigay diin ilang gipakita ang tagsa-tagsa nila ka mga pamaagi sa ilang panginabuhian sa dagat pinaagi sa ilang sayaw.
Si Cordova Mayor Adelino Sitoy miingon nga ilaha na usab gipangandaman ang umaabot nga ika- 150 ka tuig sa San Roque Church sa ilang lungsod karong Enero 1 sa sunod tuig. - /EIM) (BANAT NEWS)
- Latest
