CEBU, Philippines - Gihugopan sa mga tawo gikan pa sa 13 ka barangay ang tinuig nga Dinagat Bakasi Festival nga gipasiugdahan karong tuiga. Ang nagkadaiyang contingents nga gilangkoban sa mga tinun-an gikan sa publikong tulunghaan sa nahisgutang lungsod maoy milingaw sa mga bisita.
Ang matag contingent misayaw diin ilang gipakita ang tagsatagsa nila ka mga panginabuhi sa dagat nga ilang nakat-onan sukad pa sa ilang katigulangan.
Si PO1 Ryan Casiban sa kapolisan sa nahisgotang lungsod nga nahinabi sa Banat News mibutyag nga dunay mga kalingawan nga giandam ang lungsod matag gabii hangtod na sa kapistahan sa patron nga si Senyor San Roque karong umaabot Biyernes ug Sabado.
Si Mayor Adelino Sitoy maoy nangulo sa mga opisyal sa maong lungsod sa pagsaksi sa kalihokan nga gipahigayon pinaagi sa indigay sa street dancing ug showdown nga gipahigayon. (BANAT NEWS)