CEBU, Philippines - Ang Philippine Drug Enforcement Agency 7 ug Philippine Air Force gipasidunggan sa Kapitolyo tungod sa malampusong operasyon batok ilegal nga drugas.
Usa ka resolusyon ni Board Member Carmen Meca ang gipasar aron pasidunggan ang PDEA 7 ug 303rd Air Intelligence and Security Group sa Philippine Air Force gumikan sa mga malampusong pagronda sa mga marijuana plantations sa lalawigan sa Sugbo. Partikular na niini ang paglarot sa mga marijuana niadtong bulan sa Abril sa lungsod sa Balamban ug ang malampusong pagkadakop ni Jose Amadora nga gipasanginlang drug pusher nga nadakpan sa miaging Mayo ning tuiga sa Dumanjug.
Ang pasidungog gikalipay ni PDEA 7 regional director Esperidion Javier ug mipasalamat sa Kapitolyo sa padayon nga pagsuporta kanila. - /EIM) (BANAT NEWS)